Niklas og Tønder taptu í oddadystinum

Føroyski málverjin og liðfelagarnir í TMS Tønder høvdu møguleikan at leggja seg einsamallar á odda í næstbestu donsku hondbóltsdeildini, men teir tóku ikki av tá teir í dag spældu oddadyst ímóti Fredericia.

Undan dystinum høvdu bæði liðini 32 stig. Dysturin í dag endaði við einum 27-25 sigri til útiliðið, Fredericia, ið nú aftur er einsamalt oddalið í deildini. Í fyrra hálvleiki gekk stak illa í hond hjá TMS Tønder, tí tá var Fredericia á odda 16-10. Tað var betur skil á hjá heimaliðnum í seinna hálvleiki, men tað rakk ikki.

Komandi sunnudag spælir TMS Tønder á útivølli ímóti Odder, ið er nummar seks í deildini.

Eirikur J. Simonsen skoraði trý mál, tá hann og liðfelagarnir í Frederikshavn á heimavølli taptu stórt 26-36 ímóti Ajax. Í steðginum var Ajax á odda 18-11.

Komandi leygardag spælir Frederikshavn á útivølli ímóti absolutta botnliðnum, Køge sum bert hevur tvey stig. Kravið til Eirik J. Simonsen og hinar í Frederikshavn er ein sigur.

Støðan (haandbold.dk) : 

<sport name="handball"></sport>