Hetta seinasta árið er prístalið hækkað heili 3,4 prosent, og tað er tað mesta síðani alheims fíggjarkreppuna fyri 14 árum síðani.
Hagstovan sigur tað er serliga prísurin á olju og bensini, sum er farin til himmals og eftirsum tað er ein stórur partur av útreiðslunum hjá einum húski, hevur hetta stóran týdning fyri húsarhaldini.
##med2##
Eftir at prísurin á olju og bensini lækkaði nógv tað fyrsta árið við koronu, eru prísirnir aftur hækkaðir nógv og hetta síðsta árið er prísurin á brenniolju til føroysk húsarhald hækkaður heili 41 prosent. Men tað er minni enn aðrastaðni, tí í ES sum heild er prísurin hækkaður 57 prosent.
Prísurin á bensini og diesel til bilar, er høkkaður næstan líka nógv, ella heil 30 prosent, sum er áleið tað sama sum í ES.
Aðrir prísir, sum eru nógv hækkaðar, eru hotel og matstovur, og bólkurin, sum eitur flutningur, tí har eru prísirnir hækkaði yvr fýra prosent hetta seinasta árið. Men sum tað sæst á tí eini talvuni eru vit í Føroyum, hóast alt, sloppin væl, tí flestu aðrastaðni eru prísirnir hækkaðir nógv meir
##med3##
##med4##