Tvey stór tiltøk hava verið í gjárkvøldið og í nátt. Í Vági var jóansøka og í Havn var tónleikastevnan, Voxbotn. Tað var heilt nógv fólk, sum leitaðu sær í býin í góðveðrinum, og tað vóru eisini rættiliga nógv full fólk. Men løgreglan sigur, at tað hevur verið stak friðarligt allastaðni. Tey siga, at samarittarnir vóru til staðar í Vágsbotni og teir loysa nógvar av teimum trupulleikum, sum stinga seg upp á einum tiltaki, sum Voxbotni.
Løgreglan gjørdi eisini nógv burtur úr at vera ímillum fólk og tað hevur eisini sína ávirkan. Løgreglan sigur, at einastu hendingarnar, sum vóru í gjár og í nátt, er, at tríggir bilførarar eru tiknir fyri at koyra við kenning, tveir í Havn og ein í Eysturoy. Blóðroyndir eru tiknar av bilførarunum, og ganga tey málini sína gongd.
