Seinastu tíðina er rættiliga nógvur svartkjaftur landaður til Havsbrún í Fuglafirði.
Trýstið á landingarskipanina hevur verið so stórt, at skip hava bíðað upp í fleiri dagar eftir landingartørni.
Á Havsbrún í Fuglafirði siga tey, at fýra skip hava landað og fara at landa svartkjaft hesa vikuna.
Skipini eru Fagraberg við 2300 tonsum, Katrin Jóhanna við 1200 og Norðingur við 1900 tonsum.
Í gjár skiftu vit orð við skiparan á Ango, Hera Godtfred. Hann segði, at teir liggja í Havn og bíða eftir landingartørni.
- Vit sleppa at landa í Fuglafirði hósdagin, segði skiparin.
Hetta er annar svartkjaftatúrurin hjá Ango í ár, og henda túrin hava teir 1200 tons, vita tey á Havsbrún at siga.