Síðani 2020 hevur Norðurkorea verið meira stongt enn vanligt. Hesi seinastu trý árini eru ferðafólk ikki sloppin inn í landið, men nú er líkt til, at í næsta mánaði sleppa tey fyrstu ferðafólkini um markið.
Tað skrivar tíðindastovan Reuters.
Í fyrsta umfari verða tað russarar, sum sleppa á vitjan í Norðurkorea. Fyrsti bólkurin kemur til landið 9. februar, og tey skulu vitja ymisk støð í fýra dagar.
Norðurkorea stongdi í januar 2020 øll mørkini, tá ið koronufarsóttin fór at gera um seg. Sum miðlarnir vita, hevur bert ein útlendingur fingið loyvi at koma inn í landið síðani. Tað var kinesiski sendiharrin.
