Gongd er nú komið á sáttmálaskrivingarnar hjá ÍF. Eftir at felagið fyrr í vikuni boðaði frá, at sáttmáli var gjørdur við Niels Paula B. Danielsen, er nú ein leikari afturat blivin kunngjørdur.

Talan er um Jákup Andrias Gaardbo, sum kemur til úr barndómsfelagnum NSÍ. Tað skrivar heimasíðan hjá ÍF í kvøld. Jákup er 21 ára gamal og spælir í miðverjuni.

Sambært Faroesoccer hevur Jákup Andrias Gaardbo spælt við í 15 dystum í Effodeildini og 78 dystum í næstbestu deildini.