- Nú skal enn meira kraft setast á bygging av Føroya Arena høllini. Hetta eru vit garantar fyri. Fyrst kom Tórsvøllur, og nú kemur so Føroya Arena høllin.
Soleiðis skrivar Heðin Mortensen, borgarstjóri í Tórshavnar kommunu, á sínum Facebook-vanga í gjár, eftir at Føroyar høvdu vunnið seg víðari í HM-kappingini í hondbólti.
- Føroyar, hjartaliga tillukku við stórdystinum í Høllini í kvøld. Ein góður, spennandi og undirhaldandi dystur, ásannar borgarstjórin.
Heðin Mortensen leggur aftrat, at Føroyar í dystinum móti Letlandi vóru klárt á odda allan dystin.
Og síðan leggur borgarstjórin soleiðis aftrat:
- Nú skal enn meira kraft setast á bygging av Føroya Arena høllini. Hetta eru vit garantar fyri. Fyrst kom Tórsvøllur, og nú kemur Føroya Arena høllin, sigur Heðin Mortensen.
##med2##
