Tað verður nógv nýtt í báðum legunum, tá ið AB seinnapartin tekur ímóti B68 í fyrsta umfari í Effodeildini.
Kári J. á Høvdanum fer at bríksla fyri fyrstu ferð klokkan 15. Tað er turt og stilt, og sólin skínur oman og niðan. Hitin liggur um frostmarkið, og tí er spurningurin, um vøllurin verður hálur at spæla á. Avgerandi er, um sólin sleppur framat. Tað ger hon nú, og forsøgnirnar siga, at tað fer hon at gera í allan dag.
Trygvi Mortensen er nýggjur venjari á Argjum, har útskiftingin í spælarahópinum hevur verið heilt stór. Ellivu spælarar ella eitt heilt lið er farið síðani í fjør, og næstan eins nógvir eru lagstiftrat.
Trygvi Mortensen er nýggjur venjari á Argjum. Undanfarnu árini hevur hann vant NSÍ, sum í fjør vann silvur, og sum hevur havt mest sum somu manning í fleiri ár:
-Á Argjum er talan um nýggjan leiklut. Her hava verið nógvar skiftingar, og fleiri spælarar, sum tað hevur verið roknað nógv við, eru skaddir. Vit hava fingið onkrar aftrat nú fram ímóti kappingarbyrjan, og vit síggja positivt uppá tað. Setningurin er at vinna stig, og tað fara vit at stríðast fyri at gera, sigur AB venjarin.
Á skaðalistanum er á Argjum eru Gert Drangastein, Gunnar Haraldsen og Símun Samuelsen.
AB og B68 verða av nógvum roknað millum tvey av liðunum, sum fara at kappast fyri at sleppa undan at flyta niður. Tí kann tað fara at vísa seg at verða ógvuliga týdningarmikið, hvussu tað seinnapartin fer at spæla av.
Eftir at hava verið eitt ár í næstbestu deildini er B68 aftur millum tey fremstu. Páll Guðlaugsson er nýggjur venjari. Hann og spælararnir hava vant nógv síðani fyrst í november, og teir eru ógvuliga spentir, nú tað er álvari, og stig standa upp á spæl.
Millum fleiri nýggjar spælarar á Svangaskarði eru spaniumenninir Pedro og Carlos:
-Málið er at tryggja B68 plássið í bestu deildini. Dreymurin er at spæla í Europa. Vit vóna, at tað fer at eydnast við B68, siga spaniumenninir á Toftum.
N68 spælararnir Ivan Joensen og Kristian Anton Andreasen eru skaddir.
