Hondbóltssambandið skrivar, at Kristinn Guðmundsson er settur í starv sum venjari hjá U06 kvinnunum. Kristinn Guðmundsson er úr Íslandi og hevur eisini verið venjari hjá EB í vetur.
Kristinn Guðmundsson hevur drúgvar royndir sum venjari á høgum støði í bæði Íslandi og Noregi. U06 kvinnur skulu spæla European Open í Gøteborg í tíðarskeiðnum 4. – 9. juli, har Føroyar eru í bólki saman við Montenegro, Svøríki og Hollandi.
Kristinn Guðmundsson verður venjari hjá gentum føddar 2006-2007 saman við Agnari Joensen.
