Nýsæland setir í gildi ferðafólkaskatt fyri at vitja vælumtókt ferðamál.
Tað upplýsir tíðindastovan Reuters.
Útlendsk ferðafólk verða kravd millum 20 og 40 nýsælendskar dollarar, sum svarar til millum 76 og 152 krónur.
Lokalfólk fara framvegis at kunna vitja ferðamálini ókeypis.
Nýsælendski náttúruverndarmálaráðharrin, Tama Potaka, greiðir leygardagin frá um nýggju ferðafólkaavgjøldini.
- Ferðafólk hava massiva ávirkan á búskap okkara, og tað vil eingin hava at broytast.
- Men eg havi fleiri ferðir hoyrt frá vinum, sum hava vitjað okkum, at tey eru ørkymlað av, at tey ókeypis kunnu vitja nøkur av vakrastu støðunum á planetuni, sigur Potaka.
Ferðavinnuskatturin er partur av tiltøkunum hjá stjórnini at stuðla ferðavinnuni og stimbra ein slakan búskap, og Christopher Luxon, forsætisráðharri, vil gera tað lættari at reka vinnu í náttúruøkjunum.
Náttúruøkini bjóða longu gongutúrar og skíðferðir við vegleiðara og undirstøðukervismenning, men sambært Luxon krevst ov langa tíð og ov nógv arbeiði at fáa loyvi til hetta.
Luxon sigur, at náttúruverndarlógin skal fastleggjast fyri at læsa upp eina nýggja røð av átøkum innan ferðavinnu, landbúnað og undirstøðukervi á økjum, har vit gera tað.
- At loysa búskaparvøksturin á einum triðingi av jørðini í Nýsælandi fer at skapa nýggj arbeiðspláss og hækka lønirnar í restini av landinum, stendur í fráboðan um ferðavinnuskattin.
Sambært Bloomberg væntar Luxon, at Nýsæland fer at innheinta 235 milliónir krónur eftir at nýggi ferðavinnuavgjaldið er sett í gildi, skrivar NTB.
Hann lovar, at upphæddin verður løgd í náttúruøkini.
Skatturin verður innførdur á havfriðingarøkinum Cathedral Cove, gonguøkjunum í Tongariro-tjóðargarðinum og hægsta fjallinum í landinum, Aoraki, eisini nevnt Mount Cook.
/Ritzau/
