ODDAGREIN: Grindafrámæli og vísindi

Tað er á­hug­a­vert at fylgja við í, hvussu sam­fel­ag­ið sum heild við­ger frá­­mæl­ið at eta grind, sum Pál Weihe og Høgni De­bes Jo­en­sen eru komn­ir við. Hjá teim­um er nið­ur­støð­an púra greið: Tvøst og spik av grinda­hvali skal als ikki et­ast, tí tað er heilsu­skað­iligt!
Men hesum frámæli tekur Heislu­frøð­i­liga Starvs­stov­an als ikki und­ir við. Í sín­um til­mæli sig­ur Starvs­stov­an fyri so vítt tað sama sum fyri 13 ár­um síð­ani, at vaks­in fólk kunnu eta ein grinda­døg­urða um mán­að­in.
Tað er í grundini nokso herligt, at okk­ara hægsti heil­s­u­frøð­i­ligi stovn­ur held­ur fer utt­an­lands at leita sær kunn­leika um okk­ara egnu grind, tá okk­ara egni gransk­ari, Pál Weihe, sum helst er tann per­són­ur­in í verð­ini, sum veit mest um evn­ið, og lands­lækn­i­n við danska heilsu­stýr­i­num í rygg­i­num bein­leið­is siga, at grind­in er so skað­i­lig, at hon ikki er mann­a­føði.
Hvørjum skulu vit so trúgva? Munnu Bárð­ur Enni og hans­ara fólk á Starvs­stov­uni, sum nú eisini er ar­beiðs­eft­ir­lit, vita bet­ur? Man tað bara vera tvætl, sum Pál Weihe og lands­lækn­in koma við?
Ein lækni í Klaksvík roynir eisini at grugga mál­ið við at blanda chips og pizza uppí. Ofta ber tað brá toll­ut­um und­ir­lut­a­kensl­um fyri høv­uðs­stað­num, sum liggja sum grund fyri argu­ment­a­tió­n­u­num – og tað skugg­ar tí­verri eis­ini fyri í­kasti­num til kjak­ið um grind­ina. Tí hann birtir so­l­eið­is undir ein mis­tanka um onkrar per­són­lig­ar agr­ess­i­ó­n­ir ella lok­al­patr­i­ot­isk­ar frustr­a­ti­ónir.
Jú, tað er eitt eymt mál at skula nokt­a før­oy­ing­um at eta grind, treyð­ugt so. Men løg­ið er tað, at so lít­il virð­ing er kring kann­ing­ar­nar hjá Páli Weihe, sum hava vakt so stór­an ans úti í verð. Og sera løgið er tað, at Heilsu­frøð­i­liga Starvs­stov­an hev­ur so di­ament­ralt øvuta fat­an.
Pál Weihe vísir á, at tað er ov seint at koma um 10 ella 20 ár og vísa á tann sama vand­an, sum hann longu er kom­in fram til, og at lækna­frøð­i­liga til­mæli tí er púra greitt.
Vit skulu ikki á hesum stað koll­døma grind­ina, tí tann kunn­leik­an hava vit ikki. Men tað undr­ar ikki sørt, at boð­skap­ur­in frá fak­liga mynd­ug­leik­a­num vík­ir so nógv frá ar­beið­i­num hjá fremstu gransk­ar­um okkara. Tað kann merkja, at mynd­u­g­leik­in Heilsu­frøð­iliga Starvs­stovan held­ur, at Pál Weihe og lands­lækn­in eru á skeiv­ari leið – at tað er møsn og fjas teir koma við. Um tann dagur kemur, sum prógvar boð­skap­in hjá Páli, tá man onk­ur hava ring­an smakk í munn­i­num.