Oddagrein: Øll vinna við blokkpolitikki

Á landsfundi hjá Javnaðar­flokki­num fyri hálvum øðrum ári síðani nevndi Jó­ann­es Eid­es­gaard eisini hetta sama um blokk­pol­i­tikk, sum tá­ve­randi tjóð­vel­di­sting­mað­urin, Sjúr­ð­ur Skaale eisini hevði nevnt stutt framm­an­undan.
Hvørjaferð vit hava løgtingsval – og nýggj samgonga verður skip­að, so fáa vit dømi um, hvussu týdn­ing­ar­­mikið tað hevði verið, um føroyski velj­arin veruliga hevði eitt val, tá hann fór á val. Men tað hevur hann ikki. Velj­arin hevur ikki hóming av, hvat hann fær, um hann velur hend­an ella handan flokkin.
Anders Fogh Rasmussen varð kend­ur fyri sín kontraktpolitikk, sum eitt nú legði dent á skattasteðg og stórt aft­ur­haldni í útlendingamálum. Fólk vistu tí, hvat tey fingu, um tey valdu Vinstra, Konservativu ella Dansk Folk­e­parti.
Føroyskur politikkur er so lagt av leið frá hesum. Meðan tey í Dan­mark kunn eftirmeta politikki, so er før­oyski veljaran fullkomiliga på herr­ens mark. Valdysturin er púra ó­keypis fyri flokkarnar, sum tí held­ur ikki tíma at hava ein støðugt greitt for­m­uleraðan politikk. Teir finna upp á okkurt upp undir valið, sum so bara verður skúgvað til viks eftir val­ið, tí »man fær ikki alt í eini sam­gongu«.
Men samgongurnar skulu gerast und­an valinum og ikki eftir valið!
Men skal blokkpolitikkur bera til í Føroyum, so hevur tað sínar av­mark­ing­ar við sær. Skulu eitt nú Tjóð­veldi og Javn­að­ar­flokk­urin gera eina sam­gongu fyri val­ið, so mál lægsti – ella í hvussu so er ikki hægsti – fel­ags­nevn­ari nýt­ast í tjóð­skap­ar­máli­n­um. Tað sama um Sambandsflokkurin og Fólk­a­flokk­ur­in skulu í blokk. Tá skulu tey sjóva saman vinnu- og fiski­vinnu­poli­tikk­in, eins og konservativu og liberalu hug­sjón­ar­stevnuna.
Um vit ikki fáa eitt betri grundað sam­starv millum flokkar á tingi, so er spurn­ing­ur­in, um vit yvirhøvur skulu hava eina flokka­skip­an í Før­oyum.
Javnaðarflokkurin og Tjóðveldi hava nú nevnt møguleikan. Báðir flokk­ar­nar liggja lágt í metum velj­ar­ans. Vísið nú, um tit kunnu skapa álit og soleiðis fáa álit veljarans. Fáa vit ein blokk, so kemur hin av sær sjálvum. Tað hevði gagnað velj­ar­a­num, tað hevi gagna øllum flokk­unum, og tað hevði gagnað fólk­a­ræð­i­num.