Øll mugu hava ráð til grøna orkuskiftið

Øll mugu hava ráð at vera við, um grøna orkuskiftið skal eydnast.

 

Vit mugu tryggja eina bíliga fígging og betri stuðulsmøguleikar, so familjur við lægri inntøkum eisini fáa ráð at fáa sær grøna hitaskipan. Tað er ikki minni neyðugt, nú oljan er blivin so dýr.

 

Tí hevur Bjørt Samuelsen, vegna Tjóðveldi, lagt uppskot til samtyktar fyri Løgtingið um hetta.  

 

Uppskotssetarin heldur, at landsstýrið í hesum sambandi eigur at taka upp samskifti við kommunur, bankar, SEV og aðrar viðkomandi partar um samstarv um eina eina skipan, sum tryggjar, at øll húsarhald fáa møguleikan at vera við í grønu umleggingini.