Føroyski sjónleikarin, Olaf Johannesen, hevur rættiliga gjørt vart við seg sum sjónleikari í Danmark – og í Týsklandi.
Og fyri eini løtu síðani fekk hann Reumert viriðslønina fyri leiklistarligu avrik síni hetta seinasta árið.
Reumert virðislønin er fremsta virðislønin fyri leiklist í Danmark. Tað var Bikubefonden, sum stovnaði virðislønina í 1998, og síðani hevur verið latin teimum, sum serliga hava gjørt vart við seg í leiklistini í Danmark.
Olaf Johannessen var í uppskoti til virðislønina fyri besta mannliga høvuðsleiklut í heili trimum leikum, nevniliga Samtale før døden, Mefisto og Heksejagt. Olaf Johannessen varð eisini í uppskoti til virðislønina í fjør.
Tað er ein sjáldsamur heiður at verða í uppskoti fyri heilar tríggjar virðislønir.
- Hvassur sum eitt rakiblað lýsti hann høvuðsleiklutirnar í hesum trimum leikunum, stendur í tilnevningini.
Tveir aðrir sjónleikarar vórðu í uppskoti til virðislønina, Mads Rømer Brolin-Tani fyri leiklutin í leikinum, En folkefjende, og Anders Budde Christensen fyri leiklutin í Lille mand, hvad nu?
