Ólavsøkuhald í Føroyahúsinum
Í Føroyahúsinum mánadagin 28. juli.
Tað er einaferð um árið…. Aftur í ár fara vit, “traditionen tro”, at halda Ólavsøku í Føroyahúsinum.
Eins og undanfarin ár, verður dentur lagdur á rætta ólavsøkuhýrin, og nógv
verður gjørt burtur úr, fyri at hava øll tey siðbundnu tiltøkini, ið hoyra
Ólavsøkuni til.
Soleiðis verður sagt í fráboðan frá Føroyahúsinum í Keypmannahavn.
Skráin fyri Ólavsøkuna:
Kl. 14.00: Guðstænasta á 1. hædd í Føroyahúsinum. Bergur Jacobsen,
prestur, prædikar.
Kl. 14.00: Listafelagið hevur fernisering. Hans Eli Sivertsen sýnir fram.
Kl. 15.00: Ólavsøkan verður sett. Elionora Olsen, sjúklingavegleiðari,
heldur røðu. Andlitsmáling, poppkorn og ballónir eru til børnini á 1.
hædd.
Kl. 16.00: Ólavsøkukappróðurin verður beinleiðis streymaður á stórskíggja.
Kl. 16.30: Felagssangur.
Kl. 19.00: Konsert við Lindu Andrews og Jan Zachariassen
Kl. 21.00: Ólavsøkusangur og røða. Heðin Mortensen heldur røðu á
stórskíggja. Vit syngja felagssang og lutaseðlar verða trektir.
Kl. 22.00: Barrin er opin. Til ber at keypa breyð við viðskera.
| 
