Fríggjadagin seinnapartin gjørdi ferðslupartruljan hjá politinum kanningar í Kollfjarðadali. Bilanir, sum vóru kannaðir, koyrdu ikki ov skjótt, og teir vóru í góðum standi. Ein bilførari sum var steðgaður hevði einki koyrikort og harvið ikki rætt til at koyra bil.
Sunnukvøldið umleið kl 2300 varnaðust fólk, at tað var innbrot í Ullvøruhúsinum. Tað vóru tveir mans, sum høvdu brotið inn. Tað eydnaðist fólki sum kom á staðið at halda tí eina manninum eftir, til løgreglan kom á staðið. Hin maðurin sum var við, er ein gamal kenningur hjá politiðnum og er nú handtikin. Onkur smávegis ferðsluóhapp hava verið í Streymoynni, men talan hevur bert verið um matriellan skaða.
Av politistøðini í Runavík siga teir, at tað hevur verið eitt friðaligt vikuskiftið.
Í eysturoynni hendi eitt ferðsluóhapp. Ein jeepur rendi niðan av vegnum. Tað vóru 10 ungdómar í Jeepinum, nøkur fingu onkran smávegis skaði, og ein var flutt á Landssjúkrahúsið. Grundin til hetta ferðsluóhappið var, at tað var sera hált á vegnum. Tað hendu eisini seks onnur ferðsluóhapp í Eysturoynni, men eingin fekk skaða.
Í Runavík vóru onkur smávegis herverk framd onkur rútur var brotin.
