Føroyska liðið í badminton fekk eina góða byrjan í liðkappingini á oyggjaleikunum á Guernsey.
Í fyrsta dystinum spældu okkara móti komandi oyggjaleikavertunum, Orknoyggjum. Føroyar vunnu dystin 5-0.
Árant á Mýruni var omaná og vann sín dyst 2-0 á Andrew Reid. Settmunurin var 21-16 og 21-16.
Ranja Joensen vann 2-0 á Shannon Leslie í sínum dysti. Tað stóð á gomlum nøglum í fyrra settinum, ið Ranja vann tepurt 22-20.
Í seinna settinum var eingin ivi. Ranja vann seinna settið 21-8.
Magnus Dal Christiansen og Fai Yin Wong vunnu í tvímansleiki 2-0 (21-11 og 21-14)
Mia Thorkildshøj og Miriam í Grótinum vunnu í tvímansleiki 2-0 (21-11 og 21-14)
Jónas Djurhuus og Sanna Thorkildshøj vunnu 2-1 (21-19, 19-21 og 21-8) í blandaðum tvímansleiki.
Klokkan 18.30 verður aftur grannauppgerð. Tá spæla okkara spæla móti Hetlandi.
