##med2##
Hann var fyrstu ferð við til oyggjaleikir á heimavølli í Føroyum í 1989. Hann hevur verið við á øllum oyggjaleikum millum 1989 og 2011, og aftur frá 2015 til 2023. Í 2013 var borðtennis ikki á skránni, og tí var hann ikki við til oyggjaleikirnar á Bermuda.
Peter Hentze Niclasen, ið verður føroyskur flaggberi í kvøld hevur verið bæði íðkari, venjari og leiðari hjá føroyska borðtennishópinum á teimum ymisku oyggjaleikunum síðani 1989.
- Hetta er rættiliga stórt, staðfestir Peter um heiðurin at vera flaggberi. Merkið hevur eina savningarmegi, ikki minst á oyggjaleikum.
Á ljóðfíluni omanfyri ber til at hoyra eina samrøðu við Peter Hentze Niclasen, har vit eisini spurdi hann um vónirnar fyri føroyska borðtennishópinum á oyggjaleikunum hesaferð.
