Føroyar hava gjørt slætt borð í badmintonhøllini í Kirkwall.
Føroyar hava vunnið allar kappingarnar í einmansleiki og tvímansleiki á oyggjaleikunum.
Miriam í Grótinum og Bjarnhild í Buð Justinussen vóru suverenar í finaluni í tvímansleiki. Kimberley Clague og Jessica Li av Oynni Man formáddu sær einki móti reystu føroysku kvinnunum.
Settmunurin var so greiður sum 21-12 og 21-6.
Mia og Sanna Thorkildshøj vunnu bronsu í tvímansleikinum.
##med2##
Tað vera Miriam í Grótinum og Rúni Øster, sum skulu dystast ímóti Sannu Thorkildshøj og Magnus Dal-Christiansen í finaluni í blandaðum tvímansleiki. So har er føroyskt gull og silvur longu tryggjað.
So Føroyar hava í dag vunnið fimm av fimm møguligum gullheiðursmerkjum í badminton. Vorðið sum bragd.
