Hevur tú hug at royna okkurt nýtt og endurnýggja páskareggini í ár? Íblásturin til flott páskaregg, er óendaligur, men heima hjá okkum var ongin ivi hesuferð.
Eg eigi eina gentu, sum er púra vekk í einhyrningum fyri tíðina, so vit skuldu sjálvandi gera einhyrninga páskaregg í ár. Við eitt sindur av gull pappíri, einum límpistóli og nøkrum pastelblómum, kanst tú lættliga gera hesi fittu einhyrninga páskareggini.
##med2##
Tú skalt brúka:
- Egg
- Kaffi (ikki neyðugt)
- Gull glimmurpappír
- Límpistól ella sekundlím
- Saks
- Svarta tússj
- Silkipappírs rundingar í ymsum litum frá Søstrene Grene (tú kanst eisini brúka kunstigar blómur)
- Vatt ella silkipappír
##med3##
Soleiðis gert tú:
- Kóka eggini í 10 minuttir ella tú kanst brúka kunstig egg. Eg kókaði eggini og koyrdi eina skeið av kaffi í vatnið, so eggini fingu ein flottan ljósabrúnan lit.
- Tekna eygu á eggið við svartari tussj umleið ¼ frá toppinum.
- Klipp gullpappírið í fýrakantar á umleið 5x5 cm. Rulla pappírið til eitt kramarhús og líma endan á pappírinum fastan. Klipp yvirskot av pappírinum, so at tann breiði endin er beinur. Stappa silkipappír ella vatt inn í kramarhúsið, so at límið kann heftast á har. Líma síðani kramarhúsið ovast á eggið.
- Líma so blómurnar á, rundan um kramarhúsið. Eg brúkti silkipappírs rundingar, sum eg gjørdi til blómuskap. Eg helt í miðjuni á rundinginum og bukkaði tað saman til eina blómu.
##med4##
##med5##
Og voila! So hevur tú fitt páskaregg í einhyrninga skapi. Góðan arbeiðshug og gleðiligar páskir!
