Tað eru bátar, ið ikki vunnu fyri einari viku síðani á Skála, sum vinna kappróðrarnar eystaru megin á Skálafjørðinum í dag.
Nú vóru tað ungu menninir umborð á Páll Fanga hjá Klaksvíkar Róðrarfelag, sum vunnu kappingina millum 6-mannaførini.
Saman við Gongurólvi, Sundabátinum og onkrum øðrum fekk Páll Fangi góðan start, og tað vísti seg, at teir á Páll Fanga vóru dyggari og drúgvari, enn allir hinir kappingarneytarnir vóru.
Sundabáturin vann fyri einari viku síðani, og teir á Sundabátinum royndu at gera eina atsókn, tá ið tað vóru einir 300 metrar á mál. Tá dróg tað eitt sindur saman, men so svaraði Páll Fangi aftur, og tá ið fremsti bátur fór um málið, var Páll Fangi tað mesta av einari bátslongd undan Sundabátinum.
1 | Páll Fangi | 05:08.33 | 7 | 0 | 0 |
2 | Sundabáturin | 05:10.07 | 6 | 0 | 0 |
3 | Smyril | 05:15.32 | 5 | 0 | 0 |
4 | Strálan | 05:21.05 | 4 | 0 | 0 |
5 | Gongurólvur | 05:21.28 | 3 | 0 | 0 |
6 | Hósvikingur | 05:21.42 | 2 | 0 | 0 |
7 | Víkingur | 05:22.29 | 1 | 0 | 0 |
8 | Hvessingur | 05:26.23 | 0 | 0 | 0 |
9 | Romvlvs | 05:38.47 | 0 | 0 | 0 |