– Hold da op! Er vi ikke kommet længere?
Soleiðis spyr Søren Pape Poulsen á Twitter, eftir tíðindini um, at Jenis av Rana – um hann varð valdur í Fólkatingið – ikki hevði peikað á Pape sum forsætisráðharra í Danmark, tí at hann er samkyndur.
Tað segði Jenis av Rana í Anglettinum í Kringvarpinum í morgun.
Men Henrik Qvortrup, sum er politiskur viðmerkjari hjá Ekstra Bladet, heldur ikki, at Søren Pape Poulsen skal hugsa so nógv um tað.
– Meget skal Søren Pape Poulsen bekymre sig om. Ikke dette, eru stuttu boð hansara, eftir at tíðindi um homofobu útsøgnirnar hjá Jenisi av Rana eru komin í danskar fjølmiðlar.
Sum vera man vekir tað ans í Danmark, at ein topppolitikari í Føroyum alment sigur, at fólk ikki kunnu brúkast í álitisstørvu, tí at tey eru samkynd. Tí hevur útsøgnin hjá Jenis av Rana verið endurgivin í fleiri av stóru bløðunum í Danmark í dag.
##med2##
