Í løtuni eru fýra partrolarapør til fiskiskap eftir upsa, og flestu pør koma inn at landa í næstu viku.
- Skipini hava smáligan fiskiskap eftir upsa, men tey fáa eisini nakað av hvítum fiski.
Tað vita tey á Fiskamarknaði Føroya at siga í dag.
Tvey pør fiska gulllaks. Pørini plaga at vera trý, men síðan Eysturbúgvin sakk, eru pørini bara tvey.
- Ein djúpvatnstrolari er á svartkalvaveiði og kemur inn at landa fyrst í næstu viku. Teir fiska í bretskum sjógvi.
Í løtuni eru fýra trolbátar á landleiðini, og ein er norðanfyri. Trolbátarnir fáa mest av toski, hýsu og flatfiski.
- Allir trolbátarnir koma inn at landa í næstu viku, verður lagt aftrat.
Tvey garnaskip fiska svartkalva, og tvey fiska havtasku. Á svartkalvaveiði er fiskiskapurin smáligur, men brúkiligur á havtaskuveiði.
- Øll garnaskipini koma inn at landa í næstu viku, siga tey á Fiskamarknaði Føroya í dag.