Tvey føroyingalið vóru í leiki í bestu íslendsku fótbóltsdeildini í kvøld.

Patrik Johannesen skoraði áttanda málið hjá sær í bestu deildini hetta kappingarárið, tá Keflavík vann frálíkan 2-1 sigur á Leiknir á útivølli. Patrik legði Keflavík á odda við einum góðum stútara beint undan steðginum. Tíverri mátti Patrik út við einum snuddi tá bert seks minuttir vóru farnir av seinna hálvleiki. 

Stóra hetjan hjá Keflavík gjørdist Frans Elvarsson, ið skoraði sigursmálið í tíðini dómarin hevði lagt aftrat.

Leiknir R. 1 - 2 Keflavík

 0-1 Patrik Johannesen ('45)

 1-1 Zean Peetz Dalügge ('61)

 1-2 Frans Elvarsson ('91)

Kaj Leo í Bartalsstovu var so óheppin á heimavølli at brenna brotsspark hjá Akranes við støðuna 1-0 til Val. Tveir minuttir seinni økti Valur til 2-0. Stutt eftir var Kaj Leo skiftur út. Áðrenn brotssparkið hevði Kaj Leo sambært Morgunblaðnum tveir góðar málmøguleikar, men teir góvu tíverri ikki mál. Valur vann dystin 2-1.

Akranes 1 - 2 Valur

 0-1 Aron Jóhannsson ('51)

 0-2 Arnór Smárason ('67)

 1-2 Kristian Lindberg ('85)

Tað peikar í hvør sína ætt hjá Keflavík og Akranes. Keflavík sum vóru mettir at enda næstaftast í deildini av serfrøðingunum hevur heili 11 stig niður til niðurflytingarstrikuna. Akranes liggur aftast við bert átta stigum.

Støðan