Undan kappingarárinum í bestu íslendsku fótbóltsdeildini dømdu fótbóltsserfrøðingarnir í Íslandi liði hjá Patriki Johannesen, Keflavík at flyta niður í næstbestu deildina aftaná lokið kappingarár.
Sigast má, at Patrik og liðfelagarnir higartil hava gjørt hesar spádómarnar til skammar.
Í kvøld vann Keflavík ein góðan 3-1 heimasigur á Fram. Patrik var á blettinum og økti til 2-0 tá ein stórur hálvur tími var farin av fyrra hálvleiki. Viðmerkjarnir hjá Støð 2 sjónvarpinum í Íslandi halda, at Patrik hevur roynst Keflavík góður hetta kappingarárið.
Keflavík 3 - 1 Fram
1-0 Frans Elvarsson ('3)
2-0 Patrik Johannesen ('31)
2-1 Guðmundur Magnússon ('74)
3-1 Nacho Heras ('78)
Keflavík er nummar sjey í deildini við 14 stigum. Teir hava níggju stig niður til ÍBV, ið er á næstaftasta plássinum við fimm stigum.
11. juli spælir Keflavík móti Vali á útivølli.
