HM-høgguslokkurin, sum gitti átta dystir á rað rættar undir HM-kappingini, verður ákærdur fyri at hava eina hála fortíð, eftir at venjarin hjá honum avdúkaði, at hann er úr Italia og ikki Onglandi, og at hann í veruleikanum er yngri, enn sjósavnið hjá honum higartil hava viljað verið við.
Hetta skrivar Daily Mirror í dag.
Venjarin hjá Paul, Verena Bartsch, vil vera við at hon fangaði hann út fyri italsku oynni Elba í Apríl mánaði.
Er hetta satt, merkir tað eisini at tað var ein annar høgguslokkur, og ikki Paul, sum gitti úrslitini í EM kappingini í 2008, tá Paul varð sagdur at hava 80 prosent av útslitunum røtt.
Italska avísin La Repubblica skrivaði, at: Høgguslokkurin rakar aftur rætt, men hansara veruliga navn er Paolo.
Talskvinnan hjá sjósavninum í Týsklandi, har Paul býr, Tanja Munzig, vildi ikki gera viðmerkingar til hetta í gjár, men segði at Paul nú fór at trekkja seg úr yrkisleiðini sum vísmaður í fótbólti.
