Føroyingauppgerð var millum Ajax við Súnu K. Hansen á liðnum, ið tóku móti Randers við føroyska landsliðsleikaranum, Pernille Brandenborg á liðnum.
Pernille og liðfelagarnir í Randers vunnu tepran 28-27 sigur. Seinastu løtuna var Randers á odda 26-24, 27-25 og 28-26. Tað eydnaðist ikki Ajax at javna leiðsluna hjá Randers.
Súna skoraði seks mál, vann liðnum fýra brotskøst og legði upp til tvey mál hjá Ajax.
Pernille skoraði fýra mál fyri Randers.
Súna var vald til dagsins leikara fyri gott avrik, men tað var landsliðfelagin, Pernille og Randers sum fóru við stigunum.
Komandi týskvøld spælir Ajax á útivølli móti Silkeborg-Voel á útivølli. Komandi mikukvøld hevur Randers heimadyst móti Esbjerg.
| Nr | Lið: | Dystir | STIG |
| 1 | Odense | 6 | 12 |
| 2 | Ikast | 6 | 10 |
| 3 | Team Esbjerg | 6 | 10 |
| 4 | Nykøbing Falster | 6 | 10 |
| 5 | København | 6 | 8 |
| 6 | Silkeborg-Voel | 6 | 6 |
| 7 | Viborg HK | 6 | 6 |
| 8 | Aarhus United | 6 | 6 |
| 9 | Horsens | 6 | 5 |
| 10 | Randers HK | 6 | 4 |
| 11 | Ajax | 6 | 4 |
| 12 | Ringkøbing | 6 | 2 |
| 13 | Skanderborg | 6 | 1 |
| 14 | SønderjyskE | 6 | 0 |
