Hin avgjørt størsta opna talvkappingin í Norðurlendskum høpi, sum eisini er um at vera hin størsta í Evropu - Politiken Cup 2008 byrjaði 19. juli og verður liðug 27. juli. Heimselita - t.d. Evropameistarin GM Tiviakov, GM Eljanov við styrkistalinum 2714, stoltleiki dana, GM Heini Nielsen v.fl. eru í sama bólki, sum teir 10 føroyingarnir.
Sermerkt við opnu kappingini er, at uppí móti 300 telvarar telva í somu kapping. Í ár eru 10 føroyingar við, teir eru:
Suni Jacobsen, Havnar Telvingarfelag
Jens Ole Nasborg, Torshavn
Jógvan Joensen, Havnar Telvingarfelag
Torkil Nielsen, Sandavágs Talvfelag
Heini Olsen (FM) Klaksvíkar Talvfelag
Vagnur Dam, Rókur
Høgni Egilstoft Nielsen, Sandavágs Talvfelag
Hjalti Toftum Jógvansson, Havnar Telvingarfelag
Herborg Hansen, Klaksvíkar Talvfelag
Rógvi Egilstoft Nielsen, Sandavágs Talvfelag
Higartil eru 4 umfør telvaði, allir føroyingarnir hava fingið stig.
Støðan hjá føroyingunum eftir 4. umfar:
Heini Olsen 2½ stig, Herborg Hansen 2½ stig, Jógvan Joensen 2 stig, Torkil Nielsen 2 stig, Suni Jacobsen 2 stig, Høgni Egilstoft Nielsen 2 stig, Rógvi Egilstoft Nielsen 2 stig, Hjalti Toftum Jógvansson 1½ stig, Vagnur Dam 1 stig og Jens Ole Nasborg 1 stig.
Seinasta umfar í Politiken Cup 2008 verður telvað sunnudagin 27. juli.
