Swansea hevur koyrt venjaran Bob Bradley, eftir bara 85 dagar í starvinum. Swansea tapti í gjár 4-1 fyri West Ham og liggur fýra stig undir niðurflytingarstrikuni.
Les eisini: Alan Pardew koyrdur
Bob Bradley, sum er fyrsti amerikanski venjarin í Premier League, tók við eftir Francesco Guidolin, sum bleiv koyrdur 3. oktober í ár.
Í ellivu dystum hevur Swansea tapt sjey undir leiðslu av Bob Bradley. Fyri jól bleiv Alan Pardew koyrdur í Crystal Palace. Har hevur fyrrverandi enski landsliðsvenjarin, Sam Allerdyce, tikið yvir.
