Forseti Russlands, Vladimir Putin, sigur seg í kvøld vísa sína djúpastu samkenslu, nú seinasti leiðarin í gamla Sovjetsamveldinum er deyður.
Mikhail Gorbatjov, sum hevur veirð innlagdur á høvuðssjúkrahúsið í Moskva, er deyður, 91 ára gamal. Tað skriva fleiri útlendskir miðlar.
Hann tók við valdinum í Sovjetsamveldinum í 1985, har hann læt samveldið upp fyri vesturheiminum, og stóð fyri fleiri grundleggjandi broytingum í sovjettiska samfelagnum.
Tað er talsmaðurin hjá Vladimir Putin, sum í kvøld sambært tíðindastovuni Interfax ber teimum avvarðandi eftir Mikhail Gorbatjov heilsanina frá forseta landsins.
Í 1990 fekk Mikhail Gorbatjov friðarheiðursløn Nobels fyri sítt arbeiði við avdubbing.
