Týski uttanríkisráðharrin, Annalena Baerbock, vendir sær við hvøssum atfinningum móti russiska forsetanum í einari útsøgn í dag.
Tað er tíðindastovan Reuters, sum ber hesi tíðindi.
- Tað einasta, sum Vladimir Putin hugsar um, er at oyðileggja Ukraina, sigur hon.
Útsøgnin er borin fram undir einari vitjan hjá týska uttanríkisráðharranum í Portugál.
Annalena Baerbock heldur tað vera týdningarmikið, at vesturheimurin heldur fram við at lata vápn til Ukraina.
- Endamálið við stuðlinum er, at Ukraina kann verja seg sjálvt og sínar íbúgvar, sigur uttanríkisráðharrin.
Hon vísti á, at bæði Týskland og ES gjørdu alt tað, tey megnaðu í royndini at forða fyri krígnum.
- Men, russiski forsetin var avgjørdur um, at hann skuldi leypa á, segði Annalena Baerbock í Portugál í dag.
