Rúni Hansen er 30 ára gamal og hevur arbeitt sum teknari hjá samskiftisvirkinum Sansum í sjey ár.
Tað er sera torført at sleppa inna á Grafiska háskúlan. Av teimum 300, sum søktu í ár, komu einans 30 gjøgnum nálareygað. Rúni var til upptøkuroynd í tríggjar dagar, har hann hvønn dag skuldi loysa eina grafiska uppgávu innan fyri seks tímar.
Útbúgvingin til "professions bachelor í grafisk kommunikation" tekur trý ár. Útbúgvingin ger teg føran fyri at skapa grafiska kommunikatión í bæði prentaðum og elektroniskum miðlum. Útbúgvingin inniheldur trý fakøki, sum tilsamans skulu menna tíni evni at skapa samanhang millum hugskot, snið, samskifti og framleiðslu.
