Ingeborg Vinther
Føroya Arbeiðarafelag
Eisini greiddi Pætur Niclasen í útvarpinum frá, at so at siga allir limirnir á aðalfundi høvdu tikið undir við, at S&K-felagið skuldi melda seg úr FA.
Av tí at tað sum Pætur Niclasen greiddi frá í útvarpinum ikki er rætt, so síggja vit okkum hava skyldu til at koma við einari rættleiðing:
Vit skulu vísa á:
-at leiðslan í S&K-felagnum í sambandi við útmelding sína, ikki hevur grett orð um, at misnøgd við tørvandi ávirkan innan Føroya Arbeiðarafelag var orsøkin til útmeldingina,
- at vit í 2005, bóðu nevnd og formannin í S&K-felagnum á fund, tí vit høvdu hoyrt at tey ætlaðu at melda seg úr Føroya Arbeiðarafelag. Tey søgdu at tey høvdu ongar ætlanir um at melda seg úr Føroya Arbeiðarafelag og at tey vóru væl nøgd við limaskap sín og við samstarvi millum feløgini.
- at ein fyrrverandi formaður í S&K-felagnum hevur verið nevndarlimur í Føroya Arbeiðarafelag, til viðkomandi sjálv segði seg frá og síðani tá hevur S&K felagið havt varanevndarlimur í Føroya Arbeiðarafelag,
- at S&K-felagið á aðalfundunum í Føroya Arbeiðarafelag hava havt rætt at greiða atkvøðu við lutfalsligu mongu atkvøðum teirra, og hava tey tí havt lutfalsliga stóra ávirkan á tær atkvøðugreiðslur, sum hava verið á aðalfundum í felag okkara,
- at limir í S&K-felagnum heitti á nevnd felagsins um at útseta fundin, har útmelding úr Føroya Arbeiðarafelag var á skránni, men at hetta varð noktað teimum, hóast hesir limir vístu á at teir ikki kundu møta á fundi hendan dag,
- at limir í S&K-felagnum hava víst á, at fráboðanin um aðalfundin í S&K-felagnum, á heimasíðu felagsins hevði upplýsingar um at melda seg til aðalfundin, hóast slíkar treytir fyri luttøku á aðalfundi ikki eru fyriskrivaðar í lógunum hjá S&K-felagnum og heldur ikki eru brúkar áður og heldur ikki seinni, tá aðalfundur í S&K-felagnum er lýstur,
- at 57 limir í S&K-felagnum atkvøddu fyri at melda felagið úr Føroya Arbeiðarafelag,
- at um tað er rætt sum Pætur Niclasen segði í útvarpinum, at S&K-felagið hevur uml 1000 limir, so hava 5,7 % av limunum í S&K-felagnum atkvøtt fyri útmelding úr Føroya Arbeiðarafelag,
- at limir í S&K-felagnum hava víst á, at ivasamt er, um ein leiðsla í einum fakfelag eigur at taka eitt slíkt stig sum at melda seg úr einum meginfelag, tá ein so lítil partur av samlaðu limum felagsins hava akvøtt fyri útmeldingini,
- at Eftirlønargrunnurin hjá Føroya Arbeiðarafelag hevur havt eitt munandi størri avkast enn tann skipan, sum leiðslan í S&K-felagnum nú hevur gjørt fyri limir sínar,
- at tað tí er beinleiðis skeivt, at leiðslan í S&K-felagnum hevur skaffa limum sínum eina betri eftirlønarskipan enn tann sum galdandi er fyri limirnar í Føroya Arbeiðarafelag,
- at eitt fakfelag fær tær lívstryggingarskipanir, sum feløgini ynskja at gjalda fyri, og at skulu t. d. lívstryggingarupphæddirnar hækka, so verða tryggingargjøldini eisini hækkað,
- at umsitingarútreiðslurnar hjá lívstryggingarfelagnum, sum S&K-felagið nú hevur gjørt avtalu við eru nógv hægri enn tær umsitingarútreiðslur, sum galdandi er fyri lívstryggingarskipanina og eftirlønarskipanina hjá Føroya Arbeiðarafelag,
- at hægri umsitingarútreiðslur merkir, at fleiri av teimum krónum, sum limirnir rinda inn til skipanina fer til tryggingarfelagið, og færri krónur verða til at gjalda ávíkavist eftirløn og lívstrygging hjá limunum í fakfelagnum.
Vit fara sjálvsagt ikki at leggja okkum út í tær avgerðir, sum limirnir í S&K-felagnum taka, men tá formaðurin í S&K-felagnum í almennum fjølmiðli kemur við ófullfíggjaðum og partvíst skeivum upplýsingum, so er neyðugt hjá okkum at koma við hesari rættleiðing.
Tórshavn, 20.12.2006
