Jakob Engel-Schmidt, mentamálaráðharri í Danmark, ger nú greitt, at almenna støðan hjá Danmark er, at russisk ítróttarfólk ikki skulu luttaka í OL í 2024 undir uttanveltaðum flaggi.
Tað sigur hann við Ritzau.
Boðini koma í kjalarvørrinu av, at altjóða olympiska nevndin, IOC, hevur latið upp fyri møguleikanum, at russisk og hvítarussisk ítróttarfólk kunnu luttaka undir uttanveltaðum flaggi.
– Tað er almenna støðan hjá Danmark – og tað er mín støða sum ráðharri – at vit ikki mugu skinkla í mun til Russland. Linjan hjá stórnini er greið. Russland skal útilokast frá øllum altjóða ítrótti, so leingi álop teirra á Ukraina halda fram, sigur Jakob Engel-Schmidt.
– Tað snýr seg eisini um russisk ítróttarfólk, sum luttaka undir uttanveltaðum flaggi. Tað er púra óskiljandi, at ivi er um ta linjuni í IOC. Og tað hevur annars verið danska støðan, síðani Russland leyp á Ukraina.
Í morgun heittu tey trý baltisku londini og Pólland á IOC um at sleppa tonkunum um, at russisk og hvítarussisk ítróttarfólk vera við til OL.
Ein áheitan, sum Danmark eisini fekk í dag.
– Eg haldi tað vera púra sannlíkt, at vit taka undir við hasi áheitanini, sigur mentamálaráðharrin.
/ritzau/
##med2##
##med3##
