Júst, hvussu hetta hendi í Sandoyartunlinum nú seinnapartin, er ikki rættilig greiða fingin á. Tunnilin er framvegis stongdur, men tað verður hann neyvan leingi aftrat.

Sambært vaktleiðaranum er talan um, at ein lastbilur, sum koyrir oman eftir brekkuni í Sandoyartunlinum, missir tvey av dekkunum av ásini.

Sum skilst, rullar annað dekkið langan veg eftir koyribreytini. Ein persónbilur, sum er á veg niðaneftir, verður raktur, og sambært vaktleiðaranum fer bilurin í knús.

Førarin í persónbilinum er fluttur á Landssjúkrahúsið, men vaktleiðarin veit ikki í løtuni at siga, hvussu persónurin hevur tað.

- Bilurin er fingin burtur av vegnum, og nú verður hugt eftir, at einki annað liggur og rekst her, sum kann órógva ferðsluna.

Vaktleiðarin væntar ikki, at tað gongur long tíð, áðrenn Sandoyartunnilin letur uppaftur fyri almennari ferðslu.

Lesið eisini - 

Eg var heppin og eg eri skelkaður - https://www.in.fo/news-detail/bilfoerarin-eg-var-heppin-og-eg-eri-skelkadur