Fríggjadagin 25. november kl 16.00, letur Reyði Krossur upp nýggjan endurnýtsluhandil í Vági.

Handilin selur innbúgv og búnýti. Endurnýtsluhandilin heldur til í kjallaranum á Gørðunum, millum vágbingar vanliga nevndur ”Kjøtkjallarin”.

Formaðurin í Reyða Krossi Føroya, Jóannes Eidesgaard, bjóðar vælkomin. Hendan dagin bjóðar Reyði Krossur eisini te, kaffi og rísalamang á Savninum á Gørðunum.

Handilin er úrslitið av einum samstarvi millum Vágs kommunu og Reyða Kross Føroya.