Eitt skip hevur fingið ein høgguslokk, sum vigar eitt hálvt tons Granskarar í Ný Sælandi bjóðaðu í morgun almenninginum at síggja ein risastóran høgguslokk, sum eitt skip hevur fingið á 2.000 metra dýpi í Rosshavinum við Antarktis.
Høgguslokkurin, sum er átta metrar langur, vigar sambært granskarunum 495 kilo og er tann størsti, sum nakrantíð er fingin upp á land.
Granskararnir halda, at hetta høgguslokkaslagið kann blíva heilar 12 metrar, og at teir størstu munnu viga umleið 750 kilo.
