Skare Food A/S afturkallar tvey partíir av kókaðum skivuskornum roastbeef. Orsøkin er at tað kann verða óynsktur vøkstur av mjólkasýrubakterium, sum í hesi vøru geva ein ringan lukt og smakk.
Vørurnar eru seldar í Føroyum. Hesum boðar Heilsufrøðiliga Starvsstovan frá, sum tí mælir keyparum til at beina vøruna burtur ella lata hana aftur, har hon varð keypt.
– Tað er staðfest manglandi salting undir framleiðsluni og harvið frávíkjandi góðska og vandi fyri vøkstri av óynsktum bakteriusløgum, sigur Heilsufrøðiliga Starvsstovan.
Hesar eru vørurnar:
Gårdlykke roastbeef
Nettovekt: 70 g
Pakkidato: 26.04.2021
Seinasti nýtsludagur: 21.05.2021
Gestus roastbeef
Nettovekt: 70 g
Pakkidato: 26.04.2021
Seinasti nýtsludagur: 21.05.2021
