Føroyingauppgerð var í næstbestu donsku hondbóltsdeildini í dag. Rói Berg Hansen og liðfelagarnir í HØJ tók móti Róki Akralíð og liðfeløgunum í HC Odense.
Hóast HØJ á pappírínum og eftir stigatalvuni er eitt væl betri lið enn Odense bleiv talan um ein rættiliga javnan dyst, ið HØJ vann tepurt 32-29. Í steðginum var HØJ á odda 15-14.
Sigurin merkir, at HØJ aftur er oddalið í deildini.
Rói Berg Hansen skoraði trý mál fyri HØJ í dag.
Komandi fríggjakvøld verður føroyingauppgerð tá Odense tekur móti Tønder. Dagin eftir spælir HØJ á útivølli móti Vendsyssel.
Teis Horn Rasmussen skoraði trý mál og Sjúrður Olsen skoraði eitt mál tá lið teirra, Tønder aftur var fyri einum teprum tapi. Í dag tapti Tønder á heimavølli 29-31 fyri Sydhavsøerne. Í steðginum var støðan 15-16 til útiliðið.
Komandi leygardag spælir Ajax á útivølli móti Roskilde.
Í morgin klokkan 14.30 spæla Leivur Mortensen og liðfelagarnir í Odder móti HEI Skæring á heimavølli.
Nr. | Lið: | Dystir | Stig |
1 | HØJ | 12 | 21 |
2 | HC Midtjylland | 11 | 20 |
3 | Grindsted GIF | 12 | 18 |
4 | Team Sydhavsøerne | 12 | 17 |
5 | Ajax | 12 | 14 |
6 | IK Skovbakken | 12 | 14 |
7 | TM Tønder | 12 | 9 |
8 | Otterup HK | 12 | 9 |
9 | Vendsyssel | 12 | 9 |
10 | Odder | 11 | 8 |
11 | HEI Skæring | 11 | 8 |
12 | FIF | 11 | 6 |
13 | Roskilde | 12 | 6 |
14 | HC Odense | 12 | 5 |