Cristiano Ronaldo var stóran hetjan fyri portugisar, sum nú eru klárir til hálvfinaluna eftir at teir í kvøld vunnu 1-0 á Kekkia. Cristiano Ronaldo skoraði einsamalla málið tíggju minuttir fyri tíð.
Portugal var favorittur undan dystinum, men eina løtu í fyrra hálvleiki var Kekkia omaná leikliga, men tað bleiv ikki umsett til royndir á mál. Í hinum endanum var Cristiano Ronaldo væl upplagdur og var íblandaður tí mesta sum Portugal hevði í álopspartinum.
Tættast við var liðskiparin, tá hann hegnisliga vendi sær inni í kekkiska brotsteiginum, men skotið fór á stongina. Portugal mátti skifta einsamalla framherjan, Helder Postiga, út við skaða í fyrra hálvleiki.
Seinni hálvleikur byrjaði við at Cristiano Ronaldo rakti stongina við einum av sínum eyðkendu fríspørkum. Portugal hevur nú rakt stengurnar seks ferðir, tað er met fyri eitt líð í einum EM endaspælið.
Tíggju minuttir fyri tíð kom avgerandi støðan í dystinum. Joao Moutinho legði bóltin innfyri úr hørgu og innfyri var Cristiano Ronaldo fyrstur á og stútaði bóltin í mál. Kekkia megnaði onagntíð at hótta málið hjá Portugal.
Samanumtikið var talan um ein uppibornan sigur til Cristiano Ronaldo og Portugal.
EM 2012 fjórðingsfinala:
Kekkia - Portugal 0-1 (0-0)
0-1 Cristiano Ronaldo, 79
Kekkia: 4-2-3-1
Cech - Gebre Selassie, Sivok, Kadlec, Limbersky - Hubschman (Pekhart 86), Plasil - Jiracek, Darida (Rezek 61), Pilar - Baros.
Á bonkinum: Lastuvka, Suchy, Hubnik, Necid, Rosicky, Petrzela, Rajtoral, Kolar, Lafata, Drobny.
Portugal: 4-3-3
Rui Patricio - Joao Pereira, Pepe, Bruno Alves, Fabio Coentrao - Meireles (Rolando 88), Veloso, Joao Moutinho - Nani (Custodio 84), Postiga (Almeida 40), Ronaldo.
Á bonkinum: Eduardo, Quaresma, Nelson Oliveira, Ricardo Costa, Ruben Micael, Varela, Miguel Lopes, Hugo Viana, Beto.
Dómari: Howard Webb (Ongland)
