Ein 18 ára gomul genta úr Gredstedbro doyði herfyri eftir, at hon hevði tikið ecstasytablettir í einari íbúð í Bramming í Danmark.
Nú ávarar familjan onnur og sigur, at leivdir av rottueituri vóru í tablettunum, sum gentan hevði tikið.
Sambært vinfólkum hjá gentuni hevði hon ongantíð áður tikið narko, og tí stendur familjan spyrjandi um, hvørt onkur kann hava lokkað hana at taka tablettirnar.
- Vit skilja ikki, at gentan er deyð og er burtur fyri allar tíðir, sigur 47 ára gamla mamma hennara, Anita Terkelsen, við donsk bløð.
Sambært bløðunum eru tað læknar á Sydvestjysk Sygehus, sum hava kunnað familjuna um, at leivdir av rottueituri eru funnar í tablettunum.
