Heimasíðan Viral Video Chart hevur í alt 2012 talt upp, hvussu ofta ymisk video eru deild á sosialum miðlum sum Facebook og Twitter.
Út frá tølunum eru fleiri ymiskir listar gjørdir, og á einum av listunum eru tær lýsingarnar, ið hava verið best umtóktar og deildar á internetinum í 2012.
Niðanfyri eru fimm av lýsingunum, ið hava verið oftast deildar. Til ber at síggja lýsingarnar við at trýsta á heitið á lýsingunum.
1: A Dramatic Surprise On A Quiet Square
Sjónvarpsrásin TNT lýsir fyri dramarøðirnar, ið rásin vísir, við at gera nakrar dramatiskar senur á einum torgi í einum lítlum býi í Belgia.
Metrofelagið í australska býnum Melbourne hevur gjørt ein sang um býttar mátar at doyggja uppá. Eitt av tí býttasta er ikki at vera ansin, tá tok koyra framvið.
3: DC Shoes Ultimate Urban Playground; San Francisco
Professionelli Rally-koyrarin Ken Block koyrir skjótt í tómum gøtum í San Fransisco.
4: The Hottest Abercrombie & Fitch Guys: "Call Me Maybe"
Í 2012 bleiv tað modernað serliga í USA at gera videoløg, har tað bleiv dansað og mimað til kenda sangin Call Me Maybe. Bæði amerikanska svimjilandsliðið og amerikanskir hermenn í Afghanistan gjørdu tílík videoløg. Á sama hátt fekk klædnamerkið Abercrombie & Fitch nøkur av starvsfólkunum til at gera eitt video eins og fleiri onnur høvdu gjørt.
5: Best Job - P&G London 2012 Olympic Games Film
Procter & Gamble, sum er fyritøkan ið stendur aftanfyri altjóða brands sum Gilette, Pantene, Pampers og Pringles, var stuðul til OL í London 2012. Tí gjørdi Procter & Gamble í Italia eina lýsing fyri OL.
