Leiðarin fyri sonevnda fólkalýðveldið í Donetsk, Denis Pusjilin, hevur biðið russar um fleiri hermenn.
Ríkisriknað russiska tíðindastovan, Ria Novosti, skrivar, at orsøkin til neyðuga styrkin er, at deildirnar eru álopnar við tungum vápnum hjá ukrainska herinum.
- Vit hava fingið sameindar í økinum og russar at skilja, at neyðugt er við meira herfólki, sigur Denis Pusjilin.
Leiðarin ákærir eisini ukrainska herin fyri at fremja krígsbrotsverk í Donetsk-regiónini og fyri at fara út um mørk í krígnum.
Hesar ákærur eru tó ikki váttaðar av óheftum keldum yvirhøvur.
Tað er í Donetsk og Luhansk, at harðastu bardagarnir millum russisku og ukrainsku herdeildirnar eru.
- Høvuðsmálið hjá okkum er at verja Donetsk og Luhansk, sigur talsmaðurin hjá russisku stjórnini, Dmitrij Peskov, í einari viðmerking í kvøld.
Tað er tíðindastovan Reuters, sum endurgevur talsmannin.
