Russisk kanningarfólk vátta í dag, at leiðarin í Wagner-bólinum, Jevgenij Prigozjin, er deyður í flogvanlukku.
Tað skrivar tíðindastovan Reuters.
Mikudagin datt eitt privatflogfar við Prigozjin á ferðafólkalistanum niður í Tver-økinum í vestara parti av Russlandi.
Síðani hevur ein kanningarnevnd kanna vanlukkuna, og í dag upplýsa kanningarfólkini, at samleikin hjá teimum persónum, sum doyðu í flogvanlukkuni, svarar til ferðafólkalistan hjá flogfarinum.
Av boðum frá nevndini framgongur, at tað er genkanning, sum hevur ført til, at kanningarfólkini nú kunnu staðfesta samleikan á teimum deyðu. Tað skrivar Sky News.
Meira verður ikki farið í smálutir um kanningarnar, og deyðsføllini eru ikki váttað av óheftum.
Tilsamans tíggju persónar vóru í flogfarinum.
Dmitrij Utkin – sum ofta verður lýstur sum stovnari av Wagner-bólkinum – var eisini á listanum.
Prigozjin gekk á odda stutta uppreistrinum hjá hernaðarbólkinum móti russisku herleiðsluni í juni. Tá marsjeraði bólkurin móti russiska høvuðsstaðnum Moskva.
Marsjurin endaði viði, at gjørd var avtala millum russiska forsetan, Vladimir Putin, og Wagner-bólkin, sum endaði uppreisturin og sum flutti herfólkið hjá Wagnerbólkinum til Hvítarusslands.
Síðani flogvanlukkuna mikudagin hava fleiri serfrøðingar, lond í vesturheiminum, atfinnarar móti russisku stjórnini og onnur spekulerað í, at Wagner-leiðarin kann verða dripin.
Talsmaðurin hjá Vladimir Putin, Dmitriu Perskov, hevur víst uppáhaldunum aftur og kallað tað lygn.
/ritzau/