Russiska verjumálaráðið finst í dag at Svøríki fyri ætlanir um at byggja eina Nato-herstøð á svensku oynni, Gotlandi í Eystursjónum.
Sambært ríkisriknu russisku tíðindastovuni Ria heldur Russland, at hetta er ein provokatión.
Í russiska verjumálaráðnum halda tey, at staðsetingin av einari møguligari Nato-herstøð á Gotlandi verður til vanda fyri skipaferðsluna í økinum.
Svøríki gjørdist alment limur í verjusamgonguni, Nato í mars í ár, eftir at serliga Turkaland hevði ligið í buktini fyri svenskum limaskapi í fleiri mánaðir.
Finnland og Svøríki søktu samstundis um limaskap í verjusamgonguni, og hjá Finnlandi gekk tað eitt sindur skjótari at fáa upptøku.
Nú eru so bæði londini limir í Nato, sum nú tilsamans telur 32 limalond.
