Hernaðarliga fregnartænastan í Litavia heldur, at Russland kann føra kríggj í Ukraina í tvey ár aftrat.
- Útbúnaðurin, sum Russland í løtuni ræður yvir, røkkur til at halda krígnum í gongd á núverandi støði í tvey ár aftrat.
Tað sigur leiðarin fyri hernaðarligu fregnartænastuna í Litavia, Elegijus Paulavicius, við journalistar í Vilnius í dag.
Hann heldur, at hernaðarligi stuðulin, sum Russland fær úr londum, sum Iran og Norðurkorea, verður avgerandi fyri, hvussu leingi kríggið kann halda fram.
- Hyggja vit eftir, hvat Russland í løtuni hevur av útgerð, lóðuri, vápnum kann landið halda fram við krígnum á núverandi støði í tvey ár, sigur Elegijus Paulavicius.
Tað er tíðindastovan NTB, sum ber hesi tíðindi í dag.