Arktis er »okkara øki, hetta er okkara land«, sigur russiski uttanríkisráðharrin, Sergej Lavrov, á einum tíðindafundi í Moskva.
Orðini fullu undan fundi í Arktiskum Ráð í Reykjavík, har millum annað Sergej Lavrov og Antony Blinken, uttanríkisráðharri í USA, luttaka, eins og danski uttanríkisráðharrin, Jeppe Kofod.
– Tað hevur staðið fullkomiliga greitt fyri øllum í rúma tíð, at hetta er okkara øki, hetta er okkara land, sigur Lavrov um Arktis.
– Vit hava ábrygdina fyri at tryggja, at okkara arktiska stornd er trygg, leggur hann afturat.
Hann ávarar undan fudninum í Arktiskum Ráð Vesturheikin ímóti at skera partar úr Arktis og gera teir til sínar egnu.
– Lat meg aftur leggja dent á: Hetta er okkara land og okkara sjóøki.
Fundurin í Arktiskum Ráð verður í Reykjavík í Íslandi mikudagin og hósdagin.
Amerikanski uttanríkisráðharrin kom í dag til Keypmannahavnar fyri at hitta donsku stjórnina og føroysku og grønlendsku uttanríkisráðharrarnar. Støða í Arktis var ovast á dagsskránni.
Limirnir í Arktiskum ráð eru londini, ið hava mørk til Arktis. Teirra millum Russland.
/ritzau/