Tvørámenn royndu seg við einum skerdum hópi móti SÍ, sum hevur vunnið greipuna seinastu tvey árini.
Uppgávan vísti seg skjótt at vera ov stór. Úrslitið var 3-0 til SÍ.
Fyrsta settið var javnt, og liðini fylgdust upp til 15-15. Tá setti sørvingarnir ferðina upp, og TB hótti ongantíð leiðsluna.
Settúrslitini vóru 18-25, 9-25 og 19-25.
Jón stóð seg væl
Jón Nielsen var serliga eyðsýndur hjá SÍ. Hann stóð seg væl í teimum trimum settunum. Í løtunum, hann gjørdi minni um seg, tóku aðrir høvuðsleiklutin á teg og sendu bóltin avgjørdir niður í gólvið hjá mótstøðumonnunum.
TB flutti upp í bestu deildina í farna kappingarári. Tað merkist, at tvørámenninir eru ikki drúgvir millum teir bestu. SÍ revsaði uppflytararnar fyri teirra mistøk.
Fyrsti dysturin í bestu deildini gav ábendingar um, at TB fremst av øllum skal menna seg í hesum kappingarárinum, hóast úrslitini helst verða misjøvn.
Dysturin millum TB og SÍ var tann einsasti, sum varð spældir í bestu mansdeildini um vikuskiftið.
TB - SÍ 0-3
(18-25, 9-25, 19-25)
