Seinnapartin verður næsti FM kappróðurin í ár. Hann verður á Sundalagsstevnuni, sum hesa ferð er í Hvalvík og Streymnesi.
Barnaróðrarnir vera klokkan 13, og startskotið í kappingini millum 5-mannafør við dreingjum verður klokkan 15. Róðarlíkindini eru av teimum bestu. Tað er mest sum stilli, sólin hevur hug at kaga undan, og hitastigini eru longu fyrrapartin 12.
´
Kappróðurin í Hvalvík í dag er merkisverdur á tann hátt, at hetta er fyrsta ferðin yvirhøvur, at 8-mannaførini fara at kappast á 2000 metra teininum. Fyrr í ár varð samtykt í Róðrarsambandi Føroya at strika 1500 metra málið, og at 6-mannaførini við monnum altíð skulu kappast á 1000 metra teininum, og at 8-mannaførini altíð skulu kappast á 2000 metra teininum.
Úrslitini á Norðoyastevnu fyri tveimum vikum síðani bóru boð um, at tað í fleiri róðrumum kann roknast við tættari kapping.
Á Norðoyastevnu var Suðuroyingur sannførandi vinnari í kappingini millum 10-mannaførini. Ta ferðina kappaðust flaggskipini á 1500 metrum. Í dag verður kappingarteinurin 500 metrar longur. Spurningurin er, hvussu Klaksvíkingur og Havnarbáturin eru fyri at bjóða suðuroyingum av, nú teinurin er longri, og nú teir hava havt tvær vikur aftrat at fyrireika seg at taka væl trimmaðu suðuroyingarnar. Spenningurin er stórur í Suðuroy, har tey fegnast um, at tað hevur eydnast at standa so væl saman um felags manning.
Á Norðoyastevnu vera tað øgiliga tepurt í kappingini millum 8-mannaførini, har Argjabáturin vann frammanfyri Miðving, í kappingini millum 6-mannaførini við monnum, har Sølmundur av Glyvrum vann dygst frammanfyri Gongurólv hjá Havnar Róðrarfelag og Jarnbard hjá Róðrarfelagnum Knørri og ikki minni í kappingini millum 5-mannafør við dreingjum, har Royndin Fríða úr Vági vann eftir sera tætta kapping við Drekan og Jallin hjá ávikavíst Havnar Róðrarfelag og Róðrarfelagnum Knørri.
Í kvinnukappingunum var spenningurin størstur í kappingini millum 5-mannaførini við kvinnum, har Havfrúgvin úr Vestmanna vann frammanfyri Teistan av Argjum. Í gentukappingini var Erla Kongsdóttir úr Fuglafirði suverenur vinnari, og mest sannførandi vinnarin av øllum vóru kvinnurnar umborð á 6-mannafarinum Jarnbardi.
Klokkan 13.00
Barnaróður dreingir
7 Beinta
8 Jómfrúgvin
9 Junkarin
10 Ternan
Barnaróður gentur
5 Pílur
6 Hulda
7 Spógvin
8 Fípan Fagra
9 Títlingur
10 Jallurin
11 Firvaldur
12 Falkur
13 Beinta
Støðan
1 Títlingur 7
2 Fípan Fagra 6
3 Jallurin 5
4 Spógvin 4
5 Firvaldur 3
6 Hulda 2
7 Falkur 1
8 Pílur 0
Klokkan 15.00
5-mannafør dreingir
5 Sílið
6 Ternan
7 Fípan Fagra
8 Drekin
9 Royndin Fríða
10 Jallurin
11 Blikur
12 Frúgvin
Støðan
1 Royndin Fríða 7
2 Drekin 6
3 Jallurin 5
4 Fípan Fagra 4
5 Blikur 3
6 Ternan 2
7 Frúgvin 1
6-mannafør kvinnur
7 Sølmundur
8 Rádni 1G
9 Jarnbardur
10 Lómur
11 Herningur
Støðan
1 Jarnbardur 7
2 Rádni 6
3 Lómur 5
4 Sølmundur 4
5-mannafør kvinnur
6 Drekin
7 Tjaldrið
8 Teistin
9 Havfrúgvin
10 Ørnin
11 Falkur
Støðan
1 Havfrúgvin 7
2 Teistin 6
3 Ørnin 5
4 Tjaldrið 4
5 Falkur 3
6-mannafør menn
5 Lómur
6 Strálan
7 Herningur
8 Gongurólvur
9 Sølmundur
10 Jarnbardur
11 Riddarin
12 Tvørabáturin
Støðan
1 Sølmundur 7
2 Gongurólvur 6
3 Jarnbardur 5
4 Herningur 4
5 Riddarin 3
6 Strálan 2
7 Tvørabáturin 1
8 Lómur 0
5-mannafør gentur
6 Jallurin
7 Sílið
8 Ørnin
9 Erla Kongsdóttir
10 Blikur
11 Spógvin 1G
Støðan
1 Erla Kongsdóttir 7
2 Ørnin 6
3 Blikur 5
4 Sílið 4
5 Spógvin 3
6 Tjaldrið 2
7 Tambar 1
8-mannafør
8 Miðvingur
9 Argjabáturin
10 Gullbrandur
Støðan
1 Argjabáturin 7 stig
2 Miðvingur 6
3 Gullbrandur 5
10-mannafør
8 Klaksvíkingur
9 Suðuroyingur
10 Havnarbáturin
Støðan
1.Suðuroyingur 7
2.Klaksvíkingur 6
3.Havnarbáturin 5
