Meðan høvuðsstaðurin hevur verið mjørka plágaður tað mesta av degnum, hevur tað verið heiður himin og sól kring landið Føroyska summarveðrið skiftir nógv, og hóast tað er mjørki ella regn í onkrum parti av landinum, so kann tað vera bjartasta sólskin onkra aðra staðni.
Dagurin í dag hevur verið ein sovorðin. Í høvuðsstaðnum hevur mjørkin rikið millum húsini, og at tað framvegis er tjúkt sæst eitt nú í tí, sum upptøkutólið frá Hotel Føroyum vísir oman ímóti býnum.
Nógva aðra staðni skýnur sólin av bláum himni. Eitt nú í Klaksvík, har tey seinastu hálva aðru vikuna hava hildið summarfestival, 100 ára føðingardag og sjómannadagar, er bjartasta sólskin. Hóast trýstið hevur verið stórt á Vágsbøi, so tykist vøllurin framvegis at taka seg gott út!
